Ушбу рукнимиздаги энг сўнгги янгиликлар билан таништиришда давом этамиз.
Бейли АПЛ нишонида
Леверкузеннинг “Баер” жамоаси вингери Леон Бейли учун кураш тобора қизғин кўриниш олмоқда.
Bild нашрининг маълум қилишича, ямайкалик ҳужумчи билан АПЛнинг бир нечта гранд жамоалари қизиқиб қолган. Манбада ёзилишича, Бейли билан “Манчестер Сити”, “Манчестер Юнайтед” ва “Челси” шартнома имзоламоқчи.
Немис клуби ўз футболчисини 70 миллиондан камига қўйиб юбормоқчи эмас. Футболчи ва клуб ўртасидаги шартнома 2023-йилга қадар тузилган.
“Челси” Жоржиньо сотадими?
Лондоннинг “Челси” клуби Жоржиньо борасида якуний қарорга келди.
“Sky Sports” нашрининг маълум қилишича, “Челси”футболчини ёзда қўйиб юбормоқчи эмас. Шу сабабли, унга иккинчи имконни беришга қарор қилди.
Манбада ёзилишича, шу сабабли “Челси” “Ювуентус” томонидан Жоржино борасида келиб тушган таклифни рад этмоқда.
“Порту” унинг нархини эълон қилди
Португалиянинг “Порту” жамоаси етакчиси Хесус Корона гранд жамоалардан бири сафини тўлдириши кутилмоқда.
“A Bola” нашрининг маълум қилишича, “аждарлар” ўз футболчисини сотиб юборишга тайёр, бироқ унинг трансферидан 30 миллион евро ишлаб олишни режа қилмоқда.
Манбада ёзилишича, ёзда ярим ҳимоячи билан “Эвертон”, “Вулверҳемптон” клублари шартнома тузиш илинжида.
Эслатиб ўтамиз, трансфермаркет нашри уни 20 миллион еврога баҳоламоқда.
Луис “Арсенал”дан кетадими?
Лондоннинг “Арсенал” жамоаси ҳимоячиси Давид Луис 30 июн санасидан сўнг, бошқа “конинирлар” шарафини ҳимоя қилмаслиги мумкин. Унинг “Сити” билан ўйинда олган қизил карточкаси сабабли 3 та ўйинда иштирок этиш ҳуқуқидан маҳрум қилмоқда.
The Guardin нашри берган маълумотларга қараганда, Луиз клуб билан шартнома имзоламоқчи эмас. Шу сабабли, унинг учун мавсум якунланди ҳисоб.
Манбада ёзилишича, 33 ёшли ҳимоячи Бразилия чемпионати клубларидан бири билан шартнома имзолашни режа қилмоқда.
“Милан” футболчиси эътибор марказда
Миланнинг “Милан” жамоаси ярим ҳимоячиси Исмоил Беннасир ёзда топ клублардан бирига ўтиши мумкин.
ТМW нашрининг маълум қилишича, 22 ёшли жазоирлик футболчи учун ПСЖ ва “Манчестер Сити” жамоалари кураш олиб бормоқда.
Манбада ёзилишича, Беннасирнинг тавон пули 50 миллион еврони ташкил этмоқда.
