Ispaniya chempionatining 29-turida «Atletiko» 20 iyun, shanba kuni «Valyadolid»ni qabul qildi.

Maydon egalarining ustunligida o‘tgan bahsda hisobda 81-daqiqaga kelib ochildi. Zaxiradan maydonga qo‘shilganiga ko‘p bo‘lmagan Vitolo madridliklarga g‘alaba keltirgan gol muallifiga aylandi.

Mazkur g‘alabadan so‘ng ochkolarini 52 taga yetkazib olgan «matraschilar» 3-o‘ringa ko‘tarilib oldi.

Shuningdek, «Levante» safarda musobaqa autsayderi «Espanyol» bilan bahs yuritib, ishonchli g‘alabani qo‘lga kiritdi. «Atletik» Bilbao esa «Betis»dan ustun keldi. «Xetafe» va «Eybar» jamoalari o‘rtasidagi bahsda durang natija qayd etildi.

La Liga, 29-tur bahslari
20 iyun, shanba
«Atletiko» — «Valyadolid» 1:0
Gol: 1:0 – 81 Vitolo.
«Atletiko»: Oblak, Trippyer, Ermoso, Sanches, Ximenes, Tomas, Lemar (Koke, 57), Lyorente (Vitolo, 73), Errera (Ferreyra Karrasko, 57), Joau Feliks (Korrea, 64), Morata (Diyego Kosta, 64).
«Valyadolid»: Karo, Sanches (Unal, 83), Antonito, Olivas, Raul Garsiya, Fernandes (Peres, 75), Michel, Ervias, San-Emeterio (Alkaras, 46), Valdo Rubio (Plano, 73), Gvardiola (de la Fuente, 46).
Ogohlantirishlar: Tomas (56), Ermoso (59), Valdo Rubio (64), Ferreyra Karrasko (69), Diyego Kosta (75), Michel (88).

«Espanyol» — «Levante» 1:3
Gollar: 0:1 – 14 Mayoral, 1:1 – 28 David Lopes, 1:2 – 67 Bardi, 1:3 – 87, avtogol Pedrosa.

«Atletik» — «Betis» 1:0
Gol: 1:0 – 7 Martines.

«Xetafe» — «Eybar» 1:1
Gollar: 1:0 – 30 Etebo, 1:1 – 45 Sharles.