Gvardiola jamoasining himoyasi ajoyib o‘yin namoyish etmoqda.
Angliyaning «Manchester Siti» klubi karantindan keyin raqiblarini mag‘lubiyatga uchratishda davom etmoqda. Kecha «shaharliklar» «Byornli» klubini ishonchli tarzda mag‘lubiyatga uchratishdi. Ungacha esa «Arsenal» 3:0 hisobida tiz cho‘ktirilgandi.
Eng qiziqarli tomoni shundaki, karantindan keyingi restartda bo‘lib o‘tgan ikki uchrashuvda ham raqiblar "Man Siti" darvozasi tomon bir marta ham aniq zarba yo‘llay olishmadi.
«Manchester Siti» Angliya chempionatida ikkinchi pog‘onani band etib turibdi. «Shaharliklar» keyingi tur o‘yinini 25 iyun kuni «Chelsi» klubiga qarshi safarda o‘tkazadi.
