«Tottenxem» hujumchisi Xarri Keyn Angliya chempionatining 31-turi doirasida bo‘lib o‘tgan «Vest Xem»ga qarshi o‘yin (2:0) borasida o‘z fikrini bildirib o‘tdi.

«Hujumchi sifatida gollar urishni va uchrashuvlarda g‘alaba qozonish uchun yordam berishni istaysan. Bu og‘ir o‘yin bo‘ladi. Gol urish uchun bizda bir nechta imkoniyatlar yuzaga keldi. Uchrashuvni g‘alaba bilan yakunlaganimiz quvonchli.

Olti oy maydonga tushmagan ekansiz, eng asosiysi — maydonga qaytish. Men yaxshi formadaman, men juda ko‘p ishladim. O‘zimni har doimgidan ham yaxshiroq his qilyapman. Gol urish — jahondagi eng yaxshi hissiyot.

«Tottenxem» safida 200ta o‘yinda 137ta gol — bu yaxshi, yanada yaxshiroq o‘ynashga yordam beradi. 200ta o‘yin tezda o‘tib ketdi! Yillar o‘tadi, ulardan maksimal foydalanish kerak. Hozir 26 yoshdaman, umid qilaman, 200ta gol marrasini ham tez orada zabt etaman», — dedi Keyn "Sky Sports" nashriga bergan intervyusida.

Eslatib o‘tamiz, Keyn yanvar oyida jarrohlik stoliga yotgan edi. U 19 iyun kuni bo‘lib o‘tgan «MYU»ga qarshi o‘yinda maydonga qaytdi. Futbolchi joriy mavsumda barcha musobaqalar doirasida 18ta gol urib, 2ta golga uzatma berdi.