«Napoli» bosh murabbiyi polshalik futbolchi bilan xayrlashishga tayyor.
Italiyaning "Napoli" klubi bosh murabbiyi Jennaro Gattuzo «Verona» klubiga qarshi uchrashuvdan keyin tashkil etilgan matbuot anjumanida Arkadiush Milik haqida fikr bildirdi. Polshalik futbolchi yozda baribir jamooani tark etadi. Uning o‘rnini «Zenit»ning eronlik hujumchisi Sardor Azmun egallaydi.
«Bular mening pullarim emas, shuning uchun bu vaziyatga izoh bera olmayman. U bilan tuzilgan shartnoma yakuniga yetib bormoqda. U o‘yinimizga yaxshilashga yordam beradigan bir nechta hujumchilarni ko‘rib chiqayotganimizni biladi. Shu bilan birga, men uni yaxshi inson va yaxshi futbolchi deb bilaman», – dedi Gattuzo.
Polshalik futbolchining "Napoli" bilan amaldagi shartnomasi 2021 yilning yozida o‘z yakuniga yetadi.
