«Наполи» бош мураббийи польшалик футболчи билан хайрлашишга тайёр.
Италиянинг "Наполи" клуби бош мураббийи Женнаро Гаттузо «Верона» клубига қарши учрашувдан кейин ташкил этилган матбуот анжуманида Аркадиуш Милик ҳақида фикр билдирди. Польшалик футболчи ёзда барибир жамооани тарк этади. Унинг ўрнини «Зенит»нинг эронлик ҳужумчиси Сардор Азмун эгаллайди.
«Булар менинг пулларим эмас, шунинг учун бу вазиятга изоҳ бера олмайман. У билан тузилган шартнома якунига етиб бормоқда. У ўйинимизга яхшилашга ёрдам берадиган бир нечта ҳужумчиларни кўриб чиқаётганимизни билади. Шу билан бирга, мен уни яхши инсон ва яхши футболчи деб биламан», – деди Гаттузо.
Польшалик футболчининг "Наполи" билан амалдаги шартномаси 2021 йилнинг ёзида ўз якунига етади.
