«Milan» hujumchisi Zlatan Ibrahimovich «Yuventus»ga qarshi bo‘lib o‘tgan o‘yin (4:2) borasida o‘z fikrini bildirib o‘tdi. Shvesiyalik futbolchi mazkur bahsda bitta gol urdi va bitta golga uzatma berdi.

«Men qariyaman, bu sir emas! Lekin yosh — shunchaki raqam. Men o‘zimni juda yaxshi his qilyapman va jamoaga yordam berishni intilyapman.

Men prezidentman, o‘yinchiman va murabbiyman! Bundagi yagona narsa, menga faqat o‘yinchi sifatida pul to‘lashadi. Agar mavsum boshidan buyon «Milan»da o‘ynaganimda, skudettoni olgan bo‘lardik.

Kelasi mavsumda ham "Milan"da qolamanmi? Ko‘ramiz. Oldinda yana bir oy bor, ammo vaziyat g‘alati va biz hamma narsani nazorat qila olmaymiz.

Menga «Milan»dagi faoliyatim yoqmoqda. Yoshim 38da, formam avvalgidek emas, ammo men bunga aql bilan yondashyapman. 20 yoshlik paytimda qilgan ishni bajarishga urinmayman.

Agar maydonda ajralib turmasam, bu menga yoqmaydi. Men bu yerga talisman bo‘lish uchun emas, jamoadoshlarimga, klubga va muxlislarga yordam berish uchun kelganman», – dedi Zlatan.