Abu-Dabida UFC 251 musobaqasi doirasida o‘tkaziladigan Kamaru Usmon — Xorxe Masvidal jangi g‘olibi Gilbert Byornsga bilan kuch sinashadi. Bu haqda tashkilot prezidenti Deyna Uayt ma’lum qildi.
«Kamaru Usmon — Xorxe Masvidal jangi g‘olibiga qarshi Gilbert Byorns oktagonga ko‘tariladi. Gilbert reytingda birinchi o‘rinda turadi, demak, u jang o‘tkazish uchun birinchi da’vogar. Bu yigit haqiqatan ham g‘alabalarga tashna. U jang qilishni va chempion bo‘lishni xohlaydi. U yaxshi holatda», — deydi Uayt.
Xorxe Masvidal va Kamaru Usmon o‘rtasidagi jang Toshkent vaqti bilan 12 iyul, yakshanba kuni tongda bo‘lib o‘tadi.
