«Milan» bosh murabbiyi Stefano Pioli Italiya chempionatining 32-turi doirasida bo‘lib o‘tgan «Napoli»ga qarshi o‘yin (2:2) borasida o‘z fikrini bildirib o‘tdi.

"Qiyin o‘yin bo‘ldi. Biz ketma-ket kuchli jamoalar, jumladan, «Lasio» va «Yuventus»ga qarshi o‘yinlar o‘tkazdik. Lekin biz bugun yuqori maqsad uchun kurasha olishimiz mumkinligini isbotladik.

Shunday raqiblarga qarshi yaxshi o‘yin o‘tkazib, ijobiy natija qayd etar ekansan, bu futbolchilarning o‘ziga bo‘lgan ishonchni mustahkamlaydi.

Biz ajoyib gol bilan hisobni ochdik. Keyin esa mag‘lubiyatdan chiqib ketish uchun kurash olib bordik. Bir ochko — bu yaxshi natija.

— «Napoli»ning ikkinchi golidan keyin Zlatanni almashtirganingiz uchun u norozi bo‘ldi.
— Ibra mag‘lub bo‘layotganimiz uchun g‘azablandi. Biz endi gol o‘tkazib yuborgan edik. U esa o‘zidan va boshqalardan hamisha yaxshi o‘yin kutadi", – dedi Pioli.