Turinning "Yuventus" klubi bosh murabbiyi Maurisio Sarri A Seriya navbatdagi turida "Sassuolo" bilan uchrashuvdan so‘ng (3:3) intervyu berdi.
“Bizda barqarorlik yo‘q. Ham jismoniy, ham ruhiy. Biz o‘yinning ba’zi qismlarini ajoyib tarzda o‘tkazamiz. Ammo ba’zan juda passiv ko‘rinamiz. Buni tushunish va hazm qilish juda qiyin.
"Sassuolo" ajoyib formada. Ular ketma-ket 4 uchrashuvda g‘alaba qozondilar va oxirgi uchrashuvda ham ajoyib o‘ynashdi. Agar ular shu tempda davom etsalar, yangi "Atalanta" bo‘lish uchun barcha imkoniyatlarga ega.
Ba’zan maydonda sodir bo‘layotgan voqealar meni esankiratib qo‘yadi. To‘g‘ri muvozanatni topishimiz kerak, raqibingizni jarima maydonchasiga osonlikcha kirita olmaysiz.
To‘pni uzoqroq ushlab turish, o‘yin suratini yaxshiroq nazorat qilish lozim. Ba’zida biz haddan tashqari shoshilib, pala-partish o‘ynab qolamiz”, dedi Sarri.
