Туриннинг "Ювентус" клуби бош мураббийи Маурисио Сарри A Серия навбатдаги турида "Сассуоло" билан учрашувдан сўнг (3:3) интервью берди.
“Бизда барқарорлик йўқ. Ҳам жисмоний, ҳам руҳий. Биз ўйиннинг баъзи қисмларини ажойиб тарзда ўтказамиз. Аммо баъзан жуда пассив кўринамиз. Буни тушуниш ва ҳазм қилиш жуда қийин.
"Сассуоло" ажойиб формада. Улар кетма-кет 4 учрашувда ғалаба қозондилар ва охирги учрашувда ҳам ажойиб ўйнашди. Aгар улар шу темпда давом этсалар, янги "Aталанта" бўлиш учун барча имкониятларга эга.
Баъзан майдонда содир бўлаётган воқеалар мени эсанкиратиб қўяди. Тўғри мувозанатни топишимиз керак, рақибингизни жарима майдончасига осонликча кирита олмайсиз.
Тўпни узоқроқ ушлаб туриш, ўйин суратини яхшироқ назорат қилиш лозим. Баъзида биз ҳаддан ташқари шошилиб, пала-партиш ўйнаб қоламиз”, деди Сарри.
