9-turdan keyin "Paxtakor"ning jamoaviy turli jihatlar bo‘yicha Superligada ko‘rsatkichlarini taqdim etamiz.

Jamoamiz eng ko‘p to‘p kiritgan - 24ta. Bunga eng yaqin klublar "Qo‘qon-1912"da 17, "Metallurg"da esa 15 gol mavjud. Eng ko‘p vaziyat yaratish borasida "Paxtakor" qolgan klublardan anchagina ustun. O‘tgan 9 uchrashuvda jami 85 marta gol urish uchun vaziyatlar yuzaga keltirilgan (bir o‘yinda o‘rtacha 9tadan). Bu borada keyingi natija "Nasaf"ga tegishli bo‘lib, bu jamoada 48ta imkoniyat bo‘lgan. Darvoza tomon "Paxtakor" 81 bor aniq zarba yo‘llagan.
Bu borada ham ikkinchi ko‘rsatkich "Nasaf"ga tegishli bo‘lib, qarshiliklar raqib darvozasiga 44 marta zarba berishgan.

"Paxtakor" bir o‘yinda o‘rtacha 665tadan aniq uzatmani amalga oshirmoqda va bunda aniqlik ko‘rsatkichi 88 foizni tashkil qiladi. "Bunyodkor" esa 527 uzatma va 86 foizlik natija bilan keyingi pog‘onada bormoqda. Futbolchilarimiz bir o‘yinda o‘rtacha 11 martadan vaziyatlarni keskinlashtiradigan hal qiluvchi uzatmani ijro etishmoqda. "Lokomotiv" va "Nasaf"da bu miqdor 8taga teng.

Hozirgacha eng ko‘p burchak zarbalari "Paxtakor" tepgan - 72ta. "So‘g‘diyona" bizdan keyingi ko‘rsatkich egasi bo‘lib, jizzaxliklar 44 marta burchak zarbasi ijro qilgan. Futbolchilarimiz 140 marta raqiblarni aldab o‘tishgan. 66 foiz holatlarda bu urinishlar samarasi chiqmoqda.