"Paxtakor" futbolchilarida koronavirus aniqlangani bo‘yicha ma’lumot.
"Paxtakor" asosiy jamoasining 5 nafar futbolchisida koronavirusga topshirilgan test natijalari ijobiy natija berdi.
Yurtimizda koronavirus pandemiyasiga chalingan insonlar aniqlanishi bilan "Paxtakor" futbol klubida doimiy ravishda futbolchilar va klub xodimlari muntazam tarzda test topshirib kelishdi. O‘zini noxush his qilgan 5 nafar futbolchida koronavirus uchun topshirilgan test natijalari ijobiy natija bergach, futbolchilar va xodimlar yana bir bor test topshirishdi. AGMK bilan o‘tkazilgan Superliga 9-tur bahsidan keyin ba’zi futbolchilar sog‘lig‘ida muammolar paydo bo‘ldi, shundan keyin mashg‘ulotlar vaqtincha to‘xtatib turildi.
Ayni paytda koronavirus aniqlangan 5 nafar futbolchi izolyasiyaga olindi va ularni davolash jarayoni boshlab yuborildi. Futbolchilar doimo tibbiy nazorat ostida bo‘lib turibdi va barcha zarur vositalar bilan ta’minlanmoqda.
