“Navbahor” jamoasi a’zolarining  shu hafta avvalida koronavirusga qarshi topshirgan test natijalariga ko‘ra, bir nafar futbolchining test natijasi musbat ko‘rsatkich qayd etdi. Natijada ushbu o‘yinchi jamoadan ajratilib, qat’iy izolyasiyaga olindi.

Shu bois, 24 iyul kuni “Navbahor” xodimlari, murabbiylar shtabi vakillari  va futbolchilar yana bir marotaba koronavirusga qarshi test topshirishdi hamda test natijalari jamoaning qolgan vakillarida manfiy ko‘rsatkich qayd etdi.

“Navbahor”ning bir nafar futbolchisida koronavirus aniqlanganligi ijtimoiy tarmoqlardagi sahifalarda e’lon qilinganligi jamoamizning ko‘plab muxlislarini tashvishga soldi.

Biroq vahimaga hojat yo‘q, yana bir bor ta’kidlaymiz, koronavirusga chalingan futbolchi qat’iy izolyasiyaga olingan. Jamoamizning qolgan a’zolari esa mashg‘ulotni davom ettirishmoqda.

“Navbahor” PFK matbuot xizmati.