Belarus chempionatining 19-turi doirasida "Energetik-BGU" o‘z uyida "Torpedo-BelAZ"ni qabul qilib, yirik hisobda mag‘lub bo‘ldi.

"Talabalar" bahsni juda yaxshi boshlashgan edi. Uchrashuvning 31-daqiqasida Umarovning uzatmasidan keyin Girs bo‘sh darvozani ishg‘ol qilgan edi. Ammo taym tugashiga 3 daqiqa qolganida mehmonlar hisobni tenglashtirishdi.

Ikkinchi bo‘lim boshida "Energetik" futbolchisi Yudchis raqibga nisbatan fol ishlatgani uchun penalti belgilandi va o‘zi maydondan chetlatildi. "Torpedo" penaltidan hisobda oldinga o‘tib oldi hamda qolgan daqiqalarda yana 2ta gol urib, hisobni yirik ko‘rinishga keltirdi.

Bugungi mag‘lubiyatdan keyin "Energetik-BGU" 7-o‘ringa tushib qoldi.

Belarus chempionati, 19-tur
Energetik-BGU – Torpedo-BelAZ 1:4 (1:1, 0:3)
Gollar: 1:0 – 31 Girs, 1:1 – 42 Premudrov, 1:2 – 48, penalti Premudrov, 1:3 – 65 Afanasyev, 1:4 – 81 Nikolayevich.
Energetik-BGU – Sadovskiy (Lesko, 69), Yudchis, Sokol, Shkurdyuk, Svirepa, Bakich, Nosko, Girs, Umarov, Bashilov (Sovpel, 70), Musaxanyan (Mavatu, 51).
Torpedo-BelAZ – Kozlov, Yashin, Bordachev, Ustinov, Xachaturyan, Premudrov, Lipe (Nikolayevich, 70), Gabriel Ramos (Stepanov, 79), Pavlyukoves, Antilevskiy (Afanasyev, 64), Moreske.
Ogohlantirishlar: Premudrov (49), Pavlyukoves (72), Stepanov (82).
Chetlatish: Yudchis (47).