Ushbu ruknimizdagi eng so‘nggi yangiliklar bilan tanishtirishda davom etamiz.

Osimexen “Napoli”da?!

“Lill” jamoasi hujumchisi Viktor Osimxen yaqin kunlar ichida “Napoli” bilan shartnoma imzolaydi.

Italiya nashrlarining ma’lum qilishicha, “Napoli” 21 yoshli futbolchining transferi uchun 50 million yevro sarf etadi.

Ma’lumotlarga qaraganda, Viktorga yiligia 4 million yevro maosh ko‘rsatilgan 4 yillik shartnoma taklif etilgan.

“Lids” ishga kirishdi

APLga qaytgan “Lester” “Benfika” jamoasi yarim himoyachisi Florentine bilan shartnoma imzolashi mumkin.

TMW nashrining ma’lum qilishicha, “Lids” 20 yoshli futbolchi uchun kurashda “Manchester Yunayted” bilan bahslashadi.

Manbaning ma’lum qilishicha, “Benfika” janjalkash futbolchi bilan 30 million yevro evaziga xayrlashishga tayyor.

Lingardga da’vogarlar bor

Angliyaning “Manchester Yunayted” jamoasi yarim himoyachisi Jessi Lingardning boshqa klubga o‘tishi tobora aniqlashib bormoqda.

“The Times"ning ma’lum qilishicha, yarim himoyachi borasida allaqachon uchta klub rasman taklif bilan chiqqan.

Unga ko‘ra, “Roma”, “Nyukasl” va “Borussiya M” jamoalari futbolchini o‘z safida ko‘rmoqchi. Hozircha, Jessi kelajagi borasida yakuniy qarorga kelgani yo‘q.

Kavani trendda!

PSJ sobiq futbolchisi Edinson Kavani uchun tobora avjiga chiqmoqda.

“L'equipe"ning ma’lum qilishicha, urugzaylik hujumchi bilan “Bavariya” aloqaga chiqqan va unga 2 yillik shartnoma taklif qilgan.

Manbaning ma’lum qilishicha, “Bavariya” Kavanining transferi orqali Levandovski uchun raqobat hosil qilmoqchi.

Byelsa shart qo‘ydi

Angliyaning “Lids” jamoasi ustozi Marselo Byelsa klubga o‘z shartlarini qo‘ydi.

Unga ko‘ra, murabbiy jamoa bilan yangi shartnoma imzolashi uchun klub yana 5 ta futbolchini sotib olish uchun pul ajratishi va asosiy tarkibdagi futbolchilarni to‘liq jamoada saqlab qolishi lozim.

Eslatib o‘tamiz, aslida Marseloning klub bilan tuzgan shartnomasi allaqachon yakunlangan bo‘lib, u ayni damda erkin agent maqomida.