"Yuventus" Paulo Dibala bilan shartnomani yangilashga yaqin, deb xabar beradi Tuttomercatoweb.

A Seriyaning yakunlangan mavsumidagi eng qimmatbaho o‘yinchi sifatida tan olingan 26 yoshli argentinalik tez orada 2025 yilgacha mo‘ljallangan yangi shartnoma imzolashi mumkin. Ta’kidlanishicha, klub futbolchining maoshini ham oshiradi.

A Seriyaning 2019/20 mavsumida Dibala 33 ta o‘yinda maydonga tushib, 11 ta gol urdi va 11 ta golga assistentlik qildi. Hozirda hujumchi "Sampdoriya"ga qarshi o‘yinda olingan jarohatdan davolanmoqda. Turin klubi Dibalaning Chempionlar Ligasining 1/8 final javob uchrashuvida (7 avgust) "Lion"ga qarshi maydonga tusha olishiga umid qilmoqda.