"Ювентус" Пауло Дибала билан шартномани янгилашга яқин, деб хабар беради Tuttomercatoweb.
A Сериянинг якунланган мавсумидаги энг қимматбаҳо ўйинчи сифатида тан олинган 26 ёшли аргентиналик тез орада 2025 йилгача мўлжалланган янги шартнома имзолаши мумкин. Таъкидланишича, клуб футболчининг маошини ҳам оширади.
A Сериянинг 2019/20 мавсумида Дибала 33 та ўйинда майдонга тушиб, 11 та гол урди ва 11 та голга ассистентлик қилди. Ҳозирда ҳужумчи "Сампдория"га қарши ўйинда олинган жароҳатдан даволанмоқда. Турин клуби Дибаланинг Чемпионлар Лигасининг 1/8 финал жавоб учрашувида (7 август) "Лион"га қарши майдонга туша олишига умид қилмоқда.
