Англия Премьер Лигасининг 2-тури доирасида “Кристал Пэлас” ва “Манчестер Сити” жамоалари ўзаро баҳс олиб борди. Беллашув “шаҳарликлар”нинг 4:1 ҳисобидаги йирик ғалабаси билан якунланди. Ушбу баҳсда Ўзбекистон терма жамоаси ҳимоячиси Абдуқодир Ҳусанов асосий таркибида майдонга тушиб, 89-дақиқада алмаштирилди.

Ҳимоячи жами 105 марта тўп билан муомала қилди. У 82 та узатманинг 77 тасини аниқ амалга оширди (94 фоиз аниқлик). Шунингдек, Ҳусанов 14 та спринт (юқори тезлик) қайд этди. Sofascore портали Абдуқодирнинг ҳаракатларини 7,1 балл билан баҳолади.

Абдуқодир Ҳусановнинг ҳимоядаги кўрсаткичлари:

Ҳимоявий ҳаракатлар: 6 та;
Ташланиб тўпни олиб қўйиш: 4 марта (3 таси муваффақиятли);
Рақиб ҳужумини бартараф этиш: 1 марта;
Ердаги курашлар: 6 та (5 таси муваффақиятли);
Ҳаводаги курашлар: 1 та (муваффақиятли);
Тўпни қайтариб олиш: 3 марта.
Рақиб зарбасика блок қўйиш: 1 марта

“Манчестер Сити” сафида фаол ҳаракат қилган ва жамоасининг иккита голига муаллифлик қилган Райан Шерки учрашувнинг энг яхши футболчиси, деб топилди. Sofascore томонидан франциялик яримҳимоячининг ҳаракатлари 8,6 баллга лойиқ кўрилган бўлса, яна бир дубль муаллифи Эрлинг Ҳоланд 8,3 балл олди. Меҳмонлар сафида фаол ҳаракатлари билан ажралиб турган Эллиот Андерсон 7,7 балл билан баҳоланди.

Ушбу натижадан сўнг “Манчестер Сити” 6 очко билан турнир жадвалида 1-ўринга кўтарилиб олди.