Bugun yurtimizda o‘tkaziladigan Osiyo chempionatiga tayyorgarlik ko‘rayotgan O‘zbekiston O‘zbekiston U-19 terma jamoasi Vadim Abramov yetakchiligidagi Milliy terma jamoamizga qarshi nazorat uchrashuvida maydonga chiqdi.

Qiziqarli o‘tgan o‘yinda avvaliga Timur Kapadze shogirdlari hisobda oldinda borishdi. 10-daqiqasida yoshlar a’zosi Ulug‘bek Hoshimov hisobni ochdi – 0:1. Oradan ko‘p o‘tmay Ruslan Roziyev penaltidan gol urib, milliy terma jamoa darvozasiga ikkinchi golni kiritdi – 0:2.

Ammo mahorat baribir o‘z so‘zini aytdi. Birinchi taym yakunida Bobir Abdixoliqov hisobni qisqartirdi - 1:2. Ikkinchi taymda esa Temurxo‘ja Abduxoliqov (penaltidan) va Azizbek Turg‘unboyev kiritgan gollar Vadim Abramov jamoasiga g‘alaba keltirdi.

Nazorat uchrashuvi. 6 avgust 2020 yil.
O‘zbekiston MTJ - O‘zbekiston U-19 - 3:2
Gollar: Ulug‘bek Hoshimov 10, - 0:1.  Ruslan Roziyev 22 penalti, - 0:2. Bobir Abdixoliqov 27, - 1:2. Temurxo‘ja Abduxoliqov 63 penalti, - 2:2. Azizbek Turg‘unboyev 77, - 3:2.
O‘zbekiston MTJ - Mashhurjon Muhammadjonov, Islom Qobilov, Dilshod Ahmadaliyev, Igor Golban, Husniddin G‘ofurov, Nurillo To‘xtasinov, Jasur Hasanov, Sanjar Qodirqulov, Sharof Muhitdinov, Lutfulla To‘rayev, Bobir Abdixoliqov.
O‘zbekiston U-19 - Abduvohid Ne’matov, Odilbek Abdumajidov, Asliddin Toshtemirov, Saidazamat Mirsaidov, Bektemir Abdumannonov, Diyorbek Rahimqulov, Murod Xojamberdiyev, Davron Anvarov, Otabek Jo‘raqo‘ziyev, Ulug‘bek Hoshimov, Ruslan Roziyev.