«Manchester Siti» bosh murabbiyi Xosep Gvardiola Chempionlar Ligasi 1/8 finalida «Real» ustidan qozonilgan g‘alabadan (2:1) so‘ng o‘z fikrlari bilan o‘rtoqlashdi.
"Chorak finalga chiqish juda ajoyib. Chunki biz «Real»ni nokautga uchratdik, bu jamoaning nimaga qodir ekanligini aniq bilamiz. Ular ketma-ket uch marta Chempionlar Ligasida g‘alaba qozongan. Ularni mag‘lub etganimiz, biz ham buni qilishimiz mumkinligini tushunishga yordam beradi. Ulardan ikki bor ustun kelganimiz esa juda muhimdir. Zinedin Zidan birorta marta ham pley-offda mag‘lub bo‘lmagandi. Ularning qay darajada xotirjam o‘ynashiga va individual mahoratiga guvoh bo‘ldingiz. Chempionlar Ligasida g‘alaba qozonmoqchimiz. Agar g‘olib bo‘lishni istasak, katta klublarni mag‘lub etishimiz zarur", -dedi murabbiy.
Eslatib o‘tamiz, «Manchester Siti» ikki o‘yin natijasiga ko‘ra «Real»ni 4:2 hisobida mag‘lub etib, musobaqadan chiqarib yubordi.
