Angliyaning “Liverpul” jamoasi ustozi Yurgen Klop Kostas Simkasning transferi haqida o‘z firklari bilan o‘rtoqlashdi.  “Liverpul” rasmiy nashri tomonidan e’lon qilingan intervyuda nemis mutaxassisi ushbu transferdan asosiy maqsad va yangi futbolchining imkoniyatlari haqida muxlislarga ma’lumot berib o‘tdi.

“O‘ylashimcha, uning ruhiy holati bugungi “Liverpul” uchun juda mos. Uning hazilkash yigit ekanligini inobatga olsak, ichki muhitga ham tezda kirishib ketishi turgan gap.

Ochig‘i, Kostasni anchadan beri kuzatib yurgan edik. Uning transferini qo‘lga kiritganimizdan juda xursandmiz. Bu jamoamiz muxlislari uchun yaxshi yangilik bo‘ldi deb hisoblayman.

E’tiborlisi shundaki, unda chinakam jangchilarga hos harakter mavjud. Kostas 90 daqiqa davomida tinmay kurashga kirishishi, g‘alaba yo‘lida hech narsadan qo‘rqmay oldinga intilishi mumkin. Bundan tashqari, Kostasning raqobatga chidamli ekanligi kelajakka ishonch bilan boqishga undamoqda.

Sizga bir sirni ochaman! U allaqachon kiyinish honasida do‘stlar ortirishga ulgurdi. Bu yaxshilik alomati.

Simkasni anchadan beri kuzatamiz. U yosh bo‘lishiga qaramay, allaqachon  APL darajasiga chiqishga ulgurgan. “Olimpiakos” jamoasidagi ishonchli o‘yinlari sababli, mavsum so‘nggida u sovrinnin boshi uzra ko‘tarishga muvaffaq bo‘ldi.

Ushbu transfer oldidan biz Simkasning grand jamoalarga qarshi YECHL uchrashuvlardagi harakalarini o‘rganib chiqdik. Kostas raqib kuchli bo‘lishiga qaramay, futboldan lazzat olish uchungina oldinga tashlanganini ko‘rdik.

Bu aynan bizning mentalitetimizga mos futbolchi! Shu sababli, uni yaqin yillar ichida tarkibimizda bo‘lishi shaxsan mening kayfiyatimni ko‘tarmoqda. Umid qilaman-ki, tez orada bu transferdan barcha “Liverpul” muxlislari  quvonishadi.