«Atalanta» Yevropa Chempionlar Ligasi chorak finalida PSJga yutqazib (1:2), musobaqani tark etdi.
Musobaqada Italiya klublari qolmadi. Bu degani, A Seriya klubi ketma-ket o‘ninchi yil Chempionlar Ligasida g‘olib chiqa olmaydi. Bu Italiya klublari uchun Chempionlar Ligasi antirekordi hisoblanadi. So‘nggi bor 2009/10 yilgi mavsumda «Inter» chempionlikni qo‘lga kiritgandi.
Italyan klublarida bundan ortiq tanaffus faqat Chempionlar Kubogi musobaqasida kuzatilgan — 16 yil: 1986/69 yilgi mavsum «Milan»dan keyin «Yuventus» 1984/85 yilgi mavsumga kelib bosh sovringa ega chiqqandi.
«Yuventus» Chempionlar Ligasi 1/8 finalida «Lion»dan o‘ta olmadi (0:1, 2:1). «Napoli» ham 1/8 finalda «Barselona»ga yengildi (1:1, 1:3). «Inter» esa guruhda 3-o‘rinni egallab, pley-offga yo‘llanma ololmadi.
