"Yuventus" "Atletiko" yarimhimoyachisi Tomas Parteyga qiziqmoqda, deb xabar beradi Calciomercato nashir.

Manbaning xabariga ko‘ra, Madrid klubi 27 yoshli ganalik futbolchini 50 million yevrolik taklif olsagina, qo‘yib yuborishga tayyor.

Xabar qilinishicha, Turin klubi Federiko Bernardeski yoki Duglas Kostani almashish taklifi evaziga futbolchining narxini tushirmoqchi.

Avvalroq OAVda Parteyga "Arsenal" tomonidan qiziqish borligi haqida xabarlar tarqalgan edi.

Eslatib o‘tamiz, 2019/20 yilgi mavsumda Partey "Atletiko" safida 46 ta o‘yin o‘tkazib, 4 ta gol va 1 ta gollik uzatma amalga oshirdi.