"Sky"ning transfer bozori bo‘yicha taniqli eksperti Janluka di Marsio "Inter" bilan bog‘liq transferlar bo‘yicha yangiliklar bilan bo‘lishdi.

"Kristian Eriksen endigina, yanvarda "Inter" safiga qo‘shildi va hozircha klubdan ketishiga biror ishora ko‘rmayapman. Lautaroga kelsak, "Barselona" bilan muzokaralar "pauza"ga qo‘yilgan. Boisi "Barselona" avval ikki-uch, hatto to‘rt futbolchisini sotishi zarur. Kataloniyaliklar shundagina "Inter" eshitib ko‘rishga rozi bo‘ladigan taklif bilan chiqish imkoniyatiga ega bo‘ladi.

Messi? Uning kelajagini uni o‘z safida ko‘rishni istayotgan klublar emas, aynan o‘zi hal qiladi. Agar imkoniyat paydo bo‘lsa, "Inter" harakatga shay, lekin, hozircha bunday imkoniyat mavjud emas. Messi bilan bog‘liq vaziyat Ronaldunikidan farqli: u o‘zini "Barselona"da juda yaxshi va qulay his etmoqda va hozircha o‘zgarishlar bo‘lishiga biror sabab va ishora yo‘q".