O‘zbekiston Superligasining 13-turida Muborakning “Mash’al” jamoasi Bekobodning “Metallurg” jamoasiga qarshi maydonga tushadi.

Uchrashuv rasmiylari

Toshkentda bo‘lib o‘tadigan “Metallurg” – “Mash’al” uchrashuvini Jasur Muxtorov boshqarib boradi. Unga qanotlarda Olim Abduvosilov va Oybek Kalaxo‘jayevlar yordam berishadi. Uchrashuvda zaxira hakami sifatida Husan Muzaffarov ishlaydi. Hakamlar ishini Baxtiyor Namozov nazorat qiladi.
Uchrashuv komissari: Shohruh Said.

O‘zaro o‘yinlar

“Metallurg” va “Mash’al” shu kungacha chempionat bahslarida 30 marta to‘qnash kelgan. Ularning 14tasida " Mash’al ", 9tasida "Metallurg" g‘alabaga erishgan. 7 o‘yin durang bilan yakunlangan. "Gazchi"lar raqib darvozasini 49 bor ishg‘ol qilgan bo‘lsalar, bekobodliklar esa 43 gol urishgan.

“Mash’al”ning o‘zaro o‘yinlarda qozongan eng yirik g‘alabasi – 5:1 ga teng. “Metallurg”da ham bu ko‘rsatkich 6:0 bo‘lib turibdi.

Boshlanish vaqti

“Metallurg” – “Mash’al” uchrashuvi Toshkentda “JAR” stadionida bugun 29-avgust shanba kuni bo‘lib o‘tadi. Uchrashuv soat 17:00 da boshlanadi.
O‘yin Sport telekanali olqali jonli efirda uzatiladi.