«Milan» hujumchisi Andre Silva «Ayntraxt» bilan shaxsiy shartnoma borasida kelishuvga erishdi. Bu haqda "Bild" xabar tarqatdi.
Portugaliyalik futbolchi mavsum-2019/20ni Frankfurt jamoasida ijara asosida o‘tkazdi. O‘z navbatida "rossoneri" Bundesliga klubi forvardi Ante Rebichni ijaraga olgan edi. Endi esa jamoalar ushbu futbolchilarni o‘zaro almashishga qaror qilishdi. Bunda klublar bir-biriga pul to‘lashmaydi.
Yakunlangan mavsumda Andre Silva «Ayntraxt» safida 37ta o‘yinda 16ta gol urgan bo‘lsa, Rebich «Milan» tarkibida 30ta uchrashuvda 12ta gol muallifiga aylandi.