«Милан» ҳужумчиси Андре Силва «Айнтрахт» билан шахсий шартнома борасида келишувга эришди. Бу ҳақда "Bild" хабар тарқатди.
Португалиялик футболчи мавсум-2019/20ни Франкфурт жамоасида ижара асосида ўтказди. Ўз навбатида "россонери" Бундеслига клуби форварди Анте Ребични ижарага олган эди. Энди эса жамоалар ушбу футболчиларни ўзаро алмашишга қарор қилишди. Бунда клублар бир-бирига пул тўлашмайди.
Якунланган мавсумда Андре Силва «Айнтрахт» сафида 37та ўйинда 16та гол урган бўлса, Ребич «Милан» таркибида 30та учрашувда 12та гол муаллифига айланди.