Ispaniyaning "Sevilya" klubi himoyachisi Diyego Karlos faoliyatini APLda davom ettirishi mumkin.
Marca nashrining tarqatgan ma’lumotiga qaraganda, 27 yoshli braziliyalik himoyachi uchun "Manchester Siti" va "Manchester Yunayted" klublari kurash olib borishmoqda.
Braziliyalik futbolchining transfer narxi 75 million yevro atrofida baholanmoqda. Uning "Sevilya" bilan amaldagi shartnomasi 2024 yilgacha mo‘ljallangan.
Yakuniga yetgan mavsumda Karlos 45 ta uchrashuvda maydonga tushib, 2 ta gol kiritishga erishdi.