«Manchester Siti» klubi va Angliya terma jamoasi yarim himoyachisi Fil Foden bir necha kun avval bo‘lib o‘tgan voqea yuzasidan uzr so‘radi.

Avvalroq Foden jamoadoshi Meyson Grinvud bilan birga Islandiyaga qarshi o‘yindan keyin karantin qoidasini buzishgan edi. Ular mehmonxonaga qizlarni olib kelib, koronavirusga qarshi kurash protokolini buzishdi. Natijada terma jamoa bosh murabbiyi Sautgeyt ularni ularni Daniyaga qarshi bo‘ladigan uchrashuv oldidan termadan chetlatdi.

«Men uzr so‘ramoqchiman. Murabbiy Garet Sautgeyt, jamoadoshlarim, terma jamoa xodimlari, muxlislar, «Manchester Siti», do‘stlarim va oilamdan kechirim so‘rayman. Terma jamoadan taklif olganimda juda xursand bo‘ldim. Terma jamoa futbolkasini kirish men uchun sharafli ish. Terma jamoa safida debyut qilish men uchun aqlbovar qilmas holat bo‘ldi.

Men hali ko‘p narsa o‘rganishim kerak bo‘lgan yosh o‘yinchiman. Shu bilan birga zimmamda katta mas’uliyat yotibdi. Men noto‘g‘ri qaror qabul qildim. Men to‘g‘ri ish qilmadim.

Men COVID-19 protokolini buzdim. Terma jamoa bilan Daniyaga yo‘l olish imkoniyatidan mahrum bo‘ldim. Bu alamli. Ushbu xatodan saboq chiqaraman. Garet Sautgeyt va jamoaga ushbu haftadan omad tilayman», — deya yozdi Foden tvitter orqali.