Italiya terma jamoasi Millatlar Ligasi 2-turidan o‘rin olgan uchrashuvda Niderlandiyani 1:0 hisobida mag‘lubiyatga uchratdi.

Roberto Manchini uchun bu Italiya terma jamoasi bosh murabbiyi sifatida 21-o‘yin bo‘ldi. Mutaxassis 2018 yildan beri jamoani boshqarib keladi va shu vaqt mobaynida atigi ikkita o‘yinda mag‘lubiyatga uchradi. Bu esa unga 2004—2006 yillarda Marchello Lippi tomonidan qayd etilgan natijani takrorlashga imkon berdi. Ta’kidlash joiz, o‘shanda Lippi 2006 yilgi mundialda g‘olib bo‘lgandi.

Qayd etilishicha, faqatgina 1966—1974 yillarda terma jamoani boshqargan Fulvio Valkareji Lippi va Manchinidan yaxshiroq ko‘rsatkichga ega. Italiya uning boshqaruvida 1968 yilgi Yevropa chempionatida g‘olib bo‘lgan va 1970 yilgi Jahon kubogida kumush medallarga ega chiqqan.

Ushbu g‘alabadan keyin italiyaliklar 4 ochko jamg‘argan holda A Liganing 1-guruhida peshqadamlik qilmoqda. Niderlandiya esa ikkinchi o‘rinni egallab turibdi.