Superliganing 16-turidan o‘rin olgan olgan "Metallurg" - "Paxtakor" (0:3) uchrashuvidan keyin mezbonlar ustozi Andrey Shipilov o‘z fikrlarini bildirdi.

Bugun qiziqarli o‘yinning shohidi bo‘ldik. Bahs davomida "Paxtakor" o‘zi yaratgan barcha vaziyatlardan foydalana oldi. Biz esa imkoniyatlarimizni ko‘kka sovurdik. Birinchi golgacha hech qanday xavfni sezmadik. Teng kurash kechayotgandi. Ammo goldan keyin ko‘p narsa o‘zgarib ketdi. Biz standart vaziyatlarga ko‘proq ega bo‘ldik: jarima zarbalari, burchak to‘plari. Lekin ularning birontasidan natija chiqarolmadik. Demak shu borada ko‘proq ishlashimiz kerak ekan.

Navbatdagi uchrashuvga tayyorlanishimiz uchun bizda vaqt kam. Taqvim tig‘iz. Ishlashda davom etamiz. "Paxtakor"ni g‘alaba bilan tabriklayman va xalqaro maydonda omad tilab qolaman. Boshqa gap yo‘q.

Shahboz Ubaydullayevni terma jamoa ixtiyoridan mikro jarohat bilan qaytdi. Uni avvaliga maydonga tushirishni xoxlamagandim. Ammo u "Paxtakor"ga doimo u noqulay hujumchi bo‘lganligi bois fikrimizni o‘zgartirdik. Tushirmasak bo‘larkan, u bahsga kirishib keta olmadi. Balki, bu mening xatoimdir. E’tibor bergan bo‘lsangiz faqat ikkinchi bo‘limda emas, birinchi bo‘limda ham bizda standart vaziyatlardan gol urish uchun imkoniyat yuzaga keldi. Yuqorida ham aytdim, yana qaytarman raqib vaziyatlardan foydalandi biz esa yo‘q. Bu nima bilan bog‘liqligini bilmayman. Ehtimol ruhiyat bilan bog‘liqdir,- deydi Shipilov.