Ispaniyaning «Valensiya» klubi bosh murabbiyi Xavi Grasiya jamoaning yangi mavsum arafasidagi vaziyati haqida fikr bildirdi. Mutaxassis «Mestalye»dagi vaziyatdan g‘azabda ekanligini yashirmadi.
«Men jamoani zaiflashganini hamma qatori ko‘rib turibman. Bu jarohat va transferlar bilan bog‘liq. Jamoaning kuchsizlanishiga asosiy sabab, tarkibimizni besh nafar muhim futbolchilar tark etdi. Jamoaga kelishimdan oldin tarkibni kuchaytirish borasida va’da berishgandi, lekin bu va’da hozircha bajarilmayapti. Bizning hozirgi vaziyatimiz shunday», – mutaxassisning fikridan iqtibos keltirmoqda Marca.
