"Liverpul" bosh murabbiyi Yurgen Klopp "Lids"ga qarshi o‘yin (1:0) borasida o‘z fikrini bildirib o‘tdi.

"Qanday o‘yin! Qanday raqib! Har ikki jamoa qanday o‘yin namoyish etdi! Haqiqiy shou, o‘yindan zavqlandim. Har doim ham bitta uchrashuvda bunchalik ko‘p gol ko‘rmaysan. Himoyada qiladigan ishimiz ko‘p. Lekin bu mavsumning ilk o‘yini bo‘lgani uchun hayron qoladigan joyi yo‘q. Futbolchilarimiz bir necha kun davomida o‘z terma jamoalari safida o‘ynab qaytishdi. Shuning uchun hamma narsa bo‘lishi mumkin.

Raqib bizni xato qilishga majbur etdi. Biz yanada yaxshiroq o‘ynashimiz mumkin, biz yaxshiroq o‘ynaymiz. Lekin menga "Lids" kabi yaxshi shakllangan jamoaga qarshi ehtirosli to‘qnashuv menga yoqdi.

Ularga muammo tug‘dirish uchun o‘z imkoniyatlarimizni ishga soldik. Biz ko‘proq gol urishimiz mumkin edi, ammo standart vaziyatlardan yaxshi foydalandik. O‘yindan qoniqish hosil qildim.

O‘yindan rostmana zavqlandim. "Lids" bundan keyin ham shunday harakat qilsa, ularni yaxshi mavsum kutmoqda. Chempionshipda juda yaxshi o‘yin namoyish etishdi. APLda nima uchun bunday bo‘lmasligi kerak?" - dedi Klopp.