Angliyaning «Manchester Yunayted» klubi bosh murabbiyi Ole-Gunnar Sulsher koronavirusga chalingan jamoa yarim himoyachisi Pol Pogbani qachon jamoaga ixtiyoriga qaytishi borasida fikr bildirdi.
«Pogba karantindaligi sababli, bir necha kundan beri biz bilan birga emas. Shu vaqt mobaynida u bir qator mashg‘ulotlarni o‘tkazib yubordi, lekin, u tezda o‘z sport formasiga qaytib olishiga ishonaman. U sport formasiga qaytib olish uchun ma’lum muddat vaqt talab qilinadi deb o‘ylamayman.
Pol Pogba haqiqatdan ham mehnatkash futbolchi. U har doim o‘ynashga tayyor bo‘lish uchun bor kuchini ishga soladi. Agar uning sog‘lig‘i bilan birorta muammo yuz bermasa, u holda keyingi dam olish kunlari jamoamiz ixtiyorida bo‘lishini kutyapman. Biroq, men buni yuz foiz aniqlik bilan aytmayapman», — dedi Ole-Gunnar Sulsher.
