Англиянинг «Манчестер Юнайтед» клуби бош мураббийи Оле-Гуннар Сульшер коронавирусга чалинган жамоа ярим ҳимоячиси Поль Погбани қачон жамоага ихтиёрига қайтиши борасида фикр билдирди.
«Погба карантиндалиги сабабли, бир неча кундан бери биз билан бирга эмас. Шу вақт мобайнида у бир қатор машғулотларни ўтказиб юборди, лекин, у тезда ўз спорт формасига қайтиб олишига ишонаман. У спорт формасига қайтиб олиш учун маълум муддат вақт талаб қилинади деб ўйламайман.
Поль Погба ҳақиқатдан ҳам меҳнаткаш футболчи. У ҳар доим ўйнашга тайёр бўлиш учун бор кучини ишга солади. Агар унинг соғлиғи билан бирорта муаммо юз бермаса, у ҳолда кейинги дам олиш кунлари жамоамиз ихтиёрида бўлишини кутяпман. Бироқ, мен буни юз фоиз аниқлик билан айтмаяпман», — деди Оле-Гуннар Сульшер.
