Cuperligasining 15-tur doirasidagi "Qo‘qon-1912" - "Metallurg" uchrashuvidan keyingi matbuot anjumanining birinchi qismida Bekobodliklar ustozi Andrey Shipilov ishtirok etdi.

- Mavsumning yarmi ortda qoldi. Har bir jamoaning o‘z maqsadi bor. Qo‘qonliklar o‘z oldiga yuqori maqsadlarni qo‘yganliklarini eshtdim. Bizda ham o‘z rejalarimiz bor. Biz har bir o‘yinga futbolchilarni yaxshi tayyorlashga harakat qilyapmiz. Aytish joizki, bugun har ikki jamoaga ham oson bo‘lmadi. Futbolchilarga rahmim keladi. Ular shunday sharoitda ham maydonga tushishmoqda. Barcha futbolchilar o‘z salomatligiga tavakkal qilishdi. Maydon chetida turib yaratgandan xech qaysi futbolchi jarohat olmasligini so‘rab turdim.

Bugun har ikki jamoa ham o‘z darajadasida o‘ynay olishmadi. Holbuki biz g‘alaba qozongan bo‘lsak ham o‘yindan ko‘nglim to‘lmadi. Bugun shogirdlarim kichik mo‘’jiza yaratishdi. Pandemiyaning birinchi tanaffusiga qadar barchasi yaxshi edi. Ikkinchi tanaffusdan yaxshi holatda chiqdik deb bo‘lmaydi. Hozir futbolchilar kichik qahramonlik ko‘rsatishmoqda. Futbolchilarning tiklanishi murakkab kechayotganini ta’kidlagan bo‘lardim. Ikkita safar uchrashuvi ancha qiyin kechdi.

Hozir men chempionatda yana tanaffus bo‘lib qolishidan qo‘rqyapman. Yuzaga keladigan har qanday tanaffus futbolchilar uchun og‘ir bo‘ladi. Uchinchi tanaffus kerak emas, deb hisoblayman.
Bundan buyog‘iga to‘xtalishlarsiz mavsumni yakunlashni istayman.