Angliyaning "Uotford" klubi himoyachisi Pervis Estupinyan Ispaniyaning "Vilyarreal" klubiga ko‘chib o‘tganligi haqida, klub rasmiy sayti xabar bermoqda.
"Sariq suv osti kemasi" ekvadorlik futbolchisining transferi uchun 16,4 million yevro to‘ladi.
Tomonlar yetti yillik shartnoma imzoladi.
22 yoshli Estupinyan o‘tgan yili "Osasuna" tarkibida ijara asosida o‘ynab, o‘zining yaxshi taraflarini ko‘rsata oldi. U 39 ta uchrashuvda maydonga tushib, bitta gol kiritdi va 7 ta golga assistentlik qildi.
Shuni alohida ta’kidlab o‘tish kerakki, Estupinyanga Kataloniyaning "Barselona" klubi ham qiziqish bildirayotgandi.
