Англиянинг "Уотфорд" клуби ҳимоячиси Первис Эступиньян Испаниянинг "Вильярреал" клубига кўчиб ўтганлиги ҳақида, клуб расмий сайти хабар бермоқда.
"Сариқ сув ости кемаси" эквадорлик футболчисининг трансфери учун 16,4 миллион евро тўлади.
Томонлар етти йиллик шартнома имзолади.
22 ёшли Эступиньян ўтган йили "Осасуна" таркибида ижара асосида ўйнаб, ўзининг яхши тарафларини кўрсата олди. У 39 та учрашувда майдонга тушиб, битта гол киритди ва 7 та голга ассистентлик қилди.
Шуни алоҳида таъкидлаб ўтиш керакки, Эступиньянга Каталониянинг "Барселона" клуби ҳам қизиқиш билдираётганди.
