2020 yilning dekabr oyida klublar o‘rtasidagi Jahon chempionati bo‘lib o‘tishi kerak. Ayni paytda ushbu turnir bekor bo‘lishi xavf ostida turibdi. Koronavirus sababli, klublar Qatarga yetib borish borasida yo‘nalishlarda muammoga duch kelishi mumkin.
«Ushbu musobaqa dekabr oyida bo‘lib o‘tishi ehtimoli juda kam. Ko‘plab konfederasiyalar bu vaqtda o‘z qit’a chempionatlarini yakunlashga ulgurmaydi. Shu sababli, ushbu turnirni keyingi yilning boshida xuddi shu yerda o‘tkazishni o‘ylayapmiz», – dedi Infantino.
Klublar o‘rtasidagi Jahon chempionatining amaldagi g‘olibi «Liverpul» sanaladi. Bu safargi turnirda Yevropadan Myunxenning «Bavariya» klubi ishtirok etadi.
