2020 йилнинг декабрь ойида клублар ўртасидаги Жаҳон чемпионати бўлиб ўтиши керак. Айни пайтда ушбу турнир бекор бўлиши хавф остида турибди. Коронавирус сабабли, клублар Қатарга етиб бориш борасида йўналишларда муаммога дуч келиши мумкин.
«Ушбу мусобақа декабрь ойида бўлиб ўтиши эҳтимоли жуда кам. Кўплаб конфедерациялар бу вақтда ўз қитъа чемпионатларини якунлашга улгурмайди. Шу сабабли, ушбу турнирни кейинги йилнинг бошида худди шу ерда ўтказишни ўйлаяпмиз», – деди Инфантино.
Клублар ўртасидаги Жаҳон чемпионатининг амалдаги ғолиби «Ливерпуль» саналади. Бу сафарги турнирда Европадан Мюнхеннинг «Бавария» клуби иштирок этади.
