Angliyaning «Liverpul» klubi himoyachisi Endi Robertson 2020/21 yilgi mavsumdan nimalar kutayotganini aytib o‘tdi.
— Menimcha, «Liverpul»ning saviyasi har mavsum oldidan shubha ostiga olinadi. YECHLning finalida yutqazganimizda ko‘pchilik bizni yana qaytishimizni kutdi. Keyingi mavsumda esa YECHL g‘olibligini qo‘lga kiritdik, APLda g‘olib chiqishimizga oz qoldi, biroq, shunda ham ko‘pchilik «Manchester Siti»dan o‘ta olmaganimiz va bu ishni hech qachon uddalay olmasligimizni gapirishdi. Ammo, o‘tgan mavsumda biz barchasini isbotladik. Albatta, bizga shubha bilan qaraydigan odamlar ham bor. Turli jamoalarga muxlislik qiladigan insonlar bor, bu futbolning ajralmas bir qismi. Xo‘sh, agar bizni anderdoglar deb hisoblashayotgan bo‘lsa, demak ular uchun shunday bo‘lishimiz yoqimli. Biz har doim keyingi o‘yinda g‘alaba qozonish maqsadida ishladik, o‘yindan o‘yinga rivojlanib bordik va bu 3 yil davom etdi. Biz o‘z yondoshuvimizni o‘zgartirish niyatida emasmiz, - Robertsonni so‘zlaridan iqtibos keltirmoqda The Independent.
