Angliyaning «Manchester Yunayted» klubi yarim himoyachisi Donni van de Bek «Kristal Pelas» klubiga qarshi bo‘lib o‘tgan uchrashuv haqida fikrlari bilan o‘rtoqlashdi.
Eslatib o‘tamiz, «MYU» sensasion tarzda londonliklarga 1:3 hisobida imkoniyatni boy berdi. «Yunayted»ning kiritgan yagona goliga aynan van de Bek mualliflik qildi.
«Albatta, gol kiritganimdan xursandman, biroq, natija xafa qildi. «MYU» tarkibidagi debyut uchrashuvimni o‘tkazganimdan baxtiyorman, ammo men ko‘proq narsalarga umid qilgandim. Qo‘limizni tushirmaymiz va keyingi o‘yinlarga jiddiy tayyorgarlik ko‘ramiz. Muxlislar oldida yuzimizni yorug‘ qilishimiz kerak», - dedi niderlandiyalik futbolchi.
