Англиянинг «Манчестер Юнайтед» клуби ярим ҳимоячиси Донни ван де Бек «Кристал Пэлас» клубига қарши бўлиб ўтган учрашув ҳақида фикрлари билан ўртоқлашди.
Эслатиб ўтамиз, «МЮ» сенсацион тарзда лондонликларга 1:3 ҳисобида имкониятни бой берди. «Юнайтед»нинг киритган ягона голига айнан ван де Бек муаллифлик қилди.
«Албатта, гол киритганимдан хурсандман, бироқ, натижа хафа қилди. «МЮ» таркибидаги дебют учрашувимни ўтказганимдан бахтиёрман, аммо мен кўпроқ нарсаларга умид қилгандим. Қўлимизни туширмаймиз ва кейинги ўйинларга жиддий тайёргарлик кўрамиз. Мухлислар олдида юзимизни ёруғ қилишимиз керак», - деди нидерландиялик футболчи.
