Angliyaning "Manchester Siti" klubi bosh murabbiyi Xosep Gvardiola braziliyalik himoyachi Fernandinyoni jamoa sardori etib tayinladi, deya xabar tarqatmoqda Sportsmail.
Nashrning yozishicha, Gvardiola murabbiylar shtabi bilan kelishgan holda ushbu qarorni qabul qilgan. Fernandinyo jamoani erkin agent sifatida tark etgan David Silvadan sardorlik bog‘ichini qabul qilib oldi.
35 yoshli Fernandinyo "Manchester Siti" tarkibida 2013 yildan beri o‘ynab keladi. U "shaharliklar" tarkibida 314 ta uchrashuvda maydonga tushdi va 23 ta gol kiritib, 26 ta golga assistentlik qildi. Uning "Manchester Siti" bilan amaldagi shartnomasi 2021 yilgacha mo‘ljallangan.
