Англиянинг "Манчестер Сити" клуби бош мураббийи Хосеп Гвардиола бразилиялик ҳимоячи Фернандиньони жамоа сардори этиб тайинлади, дея хабар тарқатмоқда Sportsmail.
Нашрнинг ёзишича, Гвардиола мураббийлар штаби билан келишган ҳолда ушбу қарорни қабул қилган. Фернандиньо жамоани эркин агент сифатида тарк этган Давид Силвадан сардорлик боғичини қабул қилиб олди.
35 ёшли Фернандиньо "Манчестер Сити" таркибида 2013 йилдан бери ўйнаб келади. У "шаҳарликлар" таркибида 314 та учрашувда майдонга тушди ва 23 та гол киритиб, 26 та голга ассистентлик қилди. Унинг "Манчестер Сити" билан амалдаги шартномаси 2021 йилгача мўлжалланган.
