Ushbu ruknimizdagi eng so‘nggi yangiliklar bilan tanishtirishda davom etamiz.
«Bavariya» tasdiqladi
Myunhenning «Bavariya» jamoasi Xavi Martinesning boshqa klub safiga o‘tayotganini rasman e’lon qildi.
Klub rasmiy saytining ma’lum qilishicha, futbolchi jamoani tark etish borasida klub rahbarlari bilan muzokaralar olib borgan. Manbaning ma’lum qilishicha, ushbu suhbat ijobiy yakunlangan.
Ma’lumotlarga qaraganda, Martinesning keyingi klubi “Atletik Bilbao” jamoasi bo‘ladi.
Ryudiger ketadi!
Angliyaning «Chelsi» klubi himoyachi Antonio Ryudiger transfer oynasi yopilishidan avvalroq jamoani tark etadi.
“Mirror” nashrining ma’lum qilishicha, futbolchi klub rahbarlaridan uni qo‘yib yuborishlarini iltimos qilgan.
Manbaning ma’lum qilishicha, Ryudiger o‘yin amaliyotsiz qolib ketishdan qo‘rqmoqda. Shu sababli tezroq jamoasini almashtirish niyatida.
Arias «Bayer»ga o‘tadi
Ispaniyaning “Atletiko Madrid” klubi qanot himoyachisi Santyago Arias faoliyatini Bundesligada davom ettirishi aniq bo‘lib ulgurdi.
"Bild" nashrining ma’lum qilishicha, nemis klubi 28 yoshli futbolchining transferi uchun «matraschilar» uchun 13 million yevro to‘lab bergan.
Ma’lumotlarga qaraganda, hafta yakunida ushbu transfer rasman e’lon qilinadi.
«Chelsi» ishga jiddiy kirishdi
Angliyaning «Chelsi» klubi tez orada «Renn» darvozaboni Eduara Mendining transferini amalga oshiradi.
Jurnalist Nikola Shirining ma’lum qilishicha, tomonlar allaqachon kelishuvga erishgan. “Aristokratlar” darvozabon uchun 5 yillik shartnoma imzolaydi.
Manbaning ma’lum qilishicha, London klubi darvozabon uchun 25 million yevrodan voz kechgan.
SPAL «Inter» futbolchisini nishonga oldi
Italiyaning SPAL klubi «Inter» hujumchisi Sebastyan Espozitoni qo‘lga kiritish uchun muzokaralar boshladi.
LGDS nashrining ma’lum qilishicha, 18 yoshli futbolchi uchun «B seriya»da harakat qilayotgan SPAL jamoasi asosiy da’vogar bo‘lib turibdi. Shuningdek, «Peskara» ham Espozito bilan shartnoma tuzish niyatidan.
Manbaning ma’lum qilishicha, ushbu klublar 18 yoshli hujumchini bir mavsumga ijaraga olishni istamoqda.
Eslatib o‘tamiz, futbolchining Milan shahri klubi bilan tuzgan shartnomasi 2022 yilda o‘z yakuniga yetadi.
