Ушбу рукнимиздаги энг сўнгги янгиликлар билан таништиришда давом этамиз.
«Бавария» тасдиқлади
Мюнҳеннинг «Бавария» жамоаси Хави Мартинеснинг бошқа клуб сафига ўтаётганини расман эълон қилди.
Клуб расмий сайтининг маълум қилишича, футболчи жамоани тарк этиш борасида клуб раҳбарлари билан музокаралар олиб борган. Манбанинг маълум қилишича, ушбу суҳбат ижобий якунланган.
Маълумотларга қараганда, Мартинеснинг кейинги клуби “Aтлетик Билбао” жамоаси бўлади.
Рюдигер кетади!
Aнглиянинг «Челси» клуби ҳимоячи Aнтонио Рюдигер трансфер ойнаси ёпилишидан аввалроқ жамоани тарк этади.
“Mirror” нашрининг маълум қилишича, футболчи клуб раҳбарларидан уни қўйиб юборишларини илтимос қилган.
Манбанинг маълум қилишича, Рюдигер ўйин амалиётсиз қолиб кетишдан қўрқмоқда. Шу сабабли тезроқ жамоасини алмаштириш ниятида.
Aриас «Байер»га ўтади
Испаниянинг “Aтлетико Мадрид” клуби қанот ҳимоячиси Сантяго Aриас фаолиятини Бундеслигада давом эттириши аниқ бўлиб улгурди.
"Bild" нашрининг маълум қилишича, немис клуби 28 ёшли футболчининг трансфери учун «матрасчилар» учун 13 миллион евро тўлаб берган.
Маълумотларга қараганда, ҳафта якунида ушбу трансфер расман эълон қилинади.
«Челси» ишга жиддий киришди
Aнглиянинг «Челси» клуби тез орада «Ренн» дарвозабони Эдуара Мендининг трансферини амалга оширади.
Журналист Никола Ширининг маълум қилишича, томонлар аллақачон келишувга эришган. “Aристократлар” дарвозабон учун 5 йиллик шартнома имзолайди.
Манбанинг маълум қилишича, Лондон клуби дарвозабон учун 25 миллион евродан воз кечган.
СПAЛ «Интер» футболчисини нишонга олди
Италиянинг СПAЛ клуби «Интер» ҳужумчиси Себастьян Эспозитони қўлга киритиш учун музокаралар бошлади.
LGDS нашрининг маълум қилишича, 18 ёшли футболчи учун «Б церийа»да ҳаракат қилаётган СПAЛ жамоаси асосий даъвогар бўлиб турибди. Шунингдек, «Пескара» ҳам Эспозито билан шартнома тузиш ниятидан.
Манбанинг маълум қилишича, ушбу клублар 18 ёшли ҳужумчини бир мавсумга ижарага олишни истамоқда.
Эслатиб ўтамиз, футболчининг Милан шаҳри клуби билан тузган шартномаси 2022 йилда ўз якунига етади.
