"Paxtakor" futbolchisi Dragan Cheran Osiyo chmpionlarligasining 6-turidan o‘rin olgan "Shahr Xudro‘"ga qarshi kechgan (1:0) o‘yindan keyin saytimiz uchun intervyu berdi.

– Yaxshi o‘yin bo‘ldi. Muhimi oldimizga qo‘ygan maqsadga erishdik. Birinchi bo‘limda o‘yinimiz o‘xshamadi. Tanaffusda murabbiyning ko‘rsatmalaridan keyin ikkinchi bo‘limda hammasi yaxshi bo‘ldi. Ko‘proq gol urishimmiz mumkin edi, biroq omad yetishmadi.

– Muhim o‘yin oldidan jamoa bosh murabbiyi Shota Arveladzeda koronavirus aniqlandi. Futbolchilarga qanday ta’sir qildi?

– Bu bizga kuch bag‘ishladi. Biz Arveladze, muxlislar va tarix yaratish uchun o‘ynadik. 

– Biz OCHLda Superligadagi Cheranni ko‘rmayapmiz. Sog‘liqlaringiz yaxshimi?

– Bu ma’suliyat bilan bog‘liq, bu yerda Osiyoning katta klublari bor. Bunday vaziyatda jamoaviy o‘yin birinchi o‘ringa chiqadi. Hozir hamma bir xil maqsadga ega, barchamiz uzoqroqqa yetib borish haqida o‘ylayapmiz.

– Tanaffusda "Al Hilol"ni musobaqadan chetlatilganini eshitdinglar. Bu o‘yinga qanchali ta’sir o‘tkazdi? 

– Ha, "Al Hilol"ni chetlatilganini eshitib, o‘zimizni yengil his qildik. Pley offga yo‘llanmani qo‘lga kiritganimizni bilib, bosimsiz o‘ynadik. 

– Nimchorak finaldagi raqibimiz "Istiqlol" haqida nima deya olasiz?

– Biz raqib haqida ko‘p ma’lumotga ega emasmiz. U bilan yaxshiroq tanishish uchun nazariya bo‘ladi. Raqibni hurmat qilamiz, biroq bizning maqsadimiz chempion bo‘lish.