"Пахтакор" футболчиси Драган Черан Осиё чмпионларлигасининг 6-туридан ўрин олган "Шаҳр Худрў"га қарши кечган (1:0) ўйиндан кейин сайтимиз учун интервью берди.
– Яхши ўйин бўлди. Муҳими олдимизга қўйган мақсадга эришдик. Биринчи бўлимда ўйинимиз ўхшамади. Танаффусда мураббийнинг кўрсатмаларидан кейин иккинчи бўлимда ҳаммаси яхши бўлди. Кўпроқ гол уришиммиз мумкин эди, бироқ омад етишмади.
– Муҳим ўйин олдидан жамоа бош мураббийи Шота Арвеладзеда коронавирус аниқланди. Футболчиларга қандай таъсир қилди?
– Бу бизга куч бағишлади. Биз Арвеладзе, мухлислар ва тарих яратиш учун ўйнадик.
– Биз ОЧЛда Суперлигадаги Черанни кўрмаяпмиз. Соғлиқларингиз яхшими?
– Бу маъсулият билан боғлиқ, бу ерда Осиёнинг катта клублари бор. Бундай вазиятда жамоавий ўйин биринчи ўринга чиқади. Ҳозир ҳамма бир хил мақсадга эга, барчамиз узоқроққа етиб бориш ҳақида ўйлаяпмиз.
– Танаффусда "Ал Ҳилол"ни мусобақадан четлатилганини эшитдинглар. Бу ўйинга қанчали таъсир ўтказди?
– Ҳа, "Ал Ҳилол"ни четлатилганини эшитиб, ўзимизни енгил ҳис қилдик. Плей оффга йўлланмани қўлга киритганимизни билиб, босимсиз ўйнадик.
– Нимчорак финалдаги рақибимиз "Истиқлол" ҳақида нима дея оласиз?
– Биз рақиб ҳақида кўп маълумотга эга эмасмиз. У билан яхшироқ танишиш учун назария бўлади. Рақибни ҳурмат қиламиз, бироқ бизнинг мақсадимиз чемпион бўлиш.
